კერძო დეტექტივი თბილისში
გსურთ რაღაც ძალიან მნიშვნელოვანის გაგება და არ იცით ვის მიმართოთ? კერძო დეტექტივი არის პირი, რომელიც შესაძლოა გჭირდებოდეთ.
კერძო დეტექტივის დაქირავება, ხშირად, ერთადერთი გზაა ისეთი საქმეების გამოსაძიებლად, რომლებსაც მრავლისმომცველი კვლევა და დროის დიდი რესურსი ესაჭიროება.
გარდა ამისა, კერძო დეტექტივებს ხელი მიუწვდებათ სპეციალურ ტექნიკაზე, რაც შესაძლოა გადამწყვეტი აღმოჩნდეს თქვენთვის საინტერესო ინფორმაციის მოსაპოვებლად.
კერძო დეტექტივის მომსახურება
კერძო დეტექტივი თბილისში საკმაოდ მოთხოვნადი სერვისია და მას ბევრი სხვადასხვა მიზეზით მიმართავენ. გამოძიების ობიექტი შესაძლოა იყოს როგორც კონკრეტული პირი, ასევე კომპანიაც.
კერძო დეტექტივს შეუძლია სრული ფინანსური ინფორმაციის მოპოვება, მობილურისა და კომუნიკაციების კონტროლი, ტექნიკის კონტროლი, პიროვნების სრული პორტფოლიოს შედგენა მისი პერსონალური ისტორიის შესწავლის საფუძველზე და ა.შ.
ხშირია ისეთი შემთხვევებიც, როდესაც კონკრეტული პირი არ ენდობა სასამართლო გამოძიებას და დამატებით ქირაობს კერძო დეტექტივს, რომელიც დამოუკიდებლად მუშაობს ამ საქმეზე.
კერძო დეტექტივის დაქირავება გამართლებულია იმ შემთხვევაშიც, თუ პირს სურს გაარკვიოს, თვითონ მას ხომ არ უთვალთვალებს ვინმე.
გარდა საქმიანი ურთიერთობებისა, კერძო დეტექტივის მომსახურებით სარგებლობენ ოჯახური საიდუმლოებების გამოსარკვევადაც. ეს შეიძლება იყოს დაკარგული პიროვნების ძიება, იმის დადგენა, ღალატობს თუ არა ერთი პარტნიორი მეორეს, არის თუ არა ოჯახის რომელიმე წევრი დაკავებული საეჭვო საქმიანობით და ა.შ.
კერძო დეტექტივები თბილისში ხშირად აღნიშნავენ, რომ ყველაზე ხშირად მათ სწორედ ოჯახური საქმეების გასარკვევად მიმართავენ. ბოლო პერიოდში, განსაკუთრებით გაიზარდა იმ მშობლების მომართვიანობა, რომლებსაც სურთ ამ გზით გააკონტროლონ შვილები. კერძო დეტექტივი იძიებს ვისთან აქვს მათ შვილს კონტაქტი, სად ატარებს დროს, მოიხმარს თუ არა ნარკოტიკებს და ა.შ. დეტექტივებს იქირავებენ ძიძების სამეთვალყურეოდაც.
კერძო დეტექტივები, როგორც წესი, მნიშვნელოვნად არიან დამოკიდებული ტექნოლოგიებზე. მისი გამოყენებით მათ შეუძლიათ სხვადასხვა ინფორმაციული ბაზებიდან მონაცემების და ცნობების მიღება, ვიდეო-აუდიო კონტროლის სისტემების მონტაჟი, დაკარგული ინფორმაციის აღდგენა, შენობების და კავშირგაბმულობის საშუალებების შემოწმება და ა.შ.
საინტერესოა, რომ კერძო დეტექტივებს კონტრზომებისთვისაც მიმართავენ, ანუ იმისათვის, რომ თავი დაიცვან თვალთვალისგან. ამ შემთხვევაში კერძო დეტექტივს შეუძლია კიბერუსაფრთხოების სრული უზრუნველყოფა და იმის გამორკვევა, ცდილობს თუ არა კონკრეტულ მომენტში თქვენი მობილურის, კომპიოუტერისა და სხვა ტექნიკის კონტროლს ვინმე.
კერძო დეტექტივის დაქირვება
საქართველოში რამდენიმე კომპანიაა, რომელიც კერძო დეტექტივის მომსახურებას სთავაზობს მომხმარებელს. მათგან გამორჩეულია “დეტექტივთა ეროვნული ასოციაცია”, რომელიც დაკომპლექტებულია ოპერატიული და საგამოძიებო საქმიანობის სფეროში მრავალწლიანი გამოცდილების მქონე კადრებით.
საკონტაქტო: 577 40 30 05
აღსანიშნავია, რომ მათი საქმიანობა საქართველოს კანონმდებლობით მეტწილად დაურეგულირებელია, რაც ნიშნავს, რომ მომხმარებელმა სიფრთხილე უნდა გამოიჩინოს, როდესაც კერძო დეტექტივს, ან მსგავს კომპანიას მიმართავს.
განსაკუთრებულ საფრთხეს შეიცავს იმ მონაცემების არაკეთილსინდისიერი გამოყენება, რომლებსაც დეტექტივი გამოძიების პროცესში აგროვებს. ამის თავიდან ასაცილებლად წინასწარ უნდა იყოს გაწერილი თუ როგორ მოხდება პირადი ინფორმაციის განადგურება ან შენახვა.
როდესაც კერძო დეტექტივს არჩევთ, სასურველია იცოდეთ აქვს თუ არა მას შესაბამის საქმეებზე მუშაობის გამოცდილება, იურიდიული ცოდნა, ტექნიკური აღჭურვილობა და საჭირო უნარები. რაც მთავარია, კონფიდენციალობა უმაღლეს დონეზე უნდა იყოს დაცული.
კერძო დეტექტივის უნარები, ხშირად, მნიშვნელოვნად აღემატება ჭკვიანი და ტექნოლოგიებში კარგად გათვიცნობიერებული ადამიანის უნარებსაც კი. კერძო დეტექტივებმა ზუსტად იციან, სად ეძებონ საჭირო ინფორმაცია და ამას გაცილებით სწრაფად აკეთებენ, ვიდრე ეს გამოუცდელ ადამიანს შეუძლია.
პერსონალური ან ბიზნეს ინფორმაციის მოპოვების მცდელობის გამოაშკარავებას შესაძლოა მკვეთრად უარყოფითი შედეგები მოჰყვეს, ამიტომ უმჯობესია ასეთი საქმე პროფესიონალმა შეასრულოს.
დეტექტივებს შეუძლიათ სათვალთვალო აპარატურის გამოყენებაც, თუმცა აქ კანონმდებლობა მეტ შეზღუდვას აწესებს. კერძო დეტექტივებმა ზედმიწევნით უნდა იცოდნენ კონკრეტულ სიტუაციაში რა არის კანონიერი და რა – არა, რომ თავიანთი ქმედების გამო დამატებითი პრობლემები არ შეუქმნან კლიენტს.
როდესაც თქვენი ოჯახის წევრის ან ბიზნეს-პარტნიორის შესახებ ინფორმაციის მოპოვება გსურთ, პირველ რიგში, აუცილებელია ზუსტად განსაზღვროთ რას ეძებთ. რიგ შემთხვევებში, უფრო ხელსაყრელია თავად დაუთმოთ ამ საქმეს რამდენიმე დღე და დამატებითი პირების გარეშე დაადგინოთ სიმართლე.
მაშინ კი, როდესაც ხვდებით, რომ გადასამუშავებელი ინფორმაცია სპეციალურ უნარებს, დიდ დროსა და ტექნიკურ დახმარებას საჭიროებს, დროა პროფესიონალებს მიმართოთ.
მთავარია იცოდეთ, რომ თქვენი მონაცემები დაცულია და კონფიდენციალობა 100%-ით გარანტირებული.
